قرآن میں موجود وہ تمنائیں جو انسان مرنے کے بعد کرے گا۔

سورة احزاب:66

اے کاش ! ہم نے اللہ اور اُسکے رسول کی فرمانبرداری کی ہوتی۔

سورة النساء:73

اے کاش ! میں بھی انکے ساتھ ہوتا تو بہت بڑی کامیابی حاصل کر لیتا۔

سورة الکہف :42

اے کاش ! میں نے اپنے رب کے ساتھ کسی کو شریک نہ ٹھہرایا ہوتا۔

سورة الانعام: 27

اے کاش! کوئی صورت ایسی ہو کہ ہم دنیا میں پھر واپس بھیجے جائیں اور اپنے رب کی نشانیوں کو نہ جھٹلائیں اور ایمان لانے والوں میں شامل ہوں۔

سورة الفجر:24

اے کاش ! میں نے اپنی (اخروی) زندگی کے لیے کچھ کیا ہوتا۔

سورة النباء:40

اور کافر کہے گا اے کاش کہ میں کسی طرح مٹی ہو جاتا۔